أسبحْ باسمْ ربِّي الخالقْ الأعلى
بيديهْ آجالْ كلِّ الخلقْ سبحانهْ
العمرْ فاني وطبعْ البرِّ لايبلى
أسألهْ قبلْ الفنا عفوهْ وغفرانهْ
ويا نفسي اللي تشوفينْ العددْ يحلى
تراكْ عنْ سرعةْ أهل الركبْ عميانهْ
قفّتْ مطايا العمرْ متهملجةْ عجلى
تسابقْ الوقتْ ما ناختْ بقيعانهْ
ما هدّها السيرْ مدري دربها سهلا
رغمْ المسافةْ وهي بالخبّْ طربانهْ
تقولْ حاديها واحدْ منْ سحرْ بهلا
حولْ السنةْ ثانيهْ وحدهْ بحسبانهْ
مرّتْ بزهْر الطفولةْ ولا عطتْ مهلى
وعدّتْ ربيعْ الشبابْ وروضْ وديانهْ
تجمّلوا قيّدوها .. . ودّنا ... نسلى
ما ظنْ أنّها لحوضْ الشيبْ عطشانهْ
