نشرت الفنانة رانيا يوسف رسالة خاصة منها إلى الفنانة منى زكي وذلك عبر صفحتها الرسمية على فيسبوك.
وعبرت الفنانة رانيا يوسف من خلال رسالتها عن حبها الكبير للفنانة منى زكي حيث كتبت قائلة: «ترددت كتير إني أكتب بوست في حب منى زكي، لأني مش بعرف أتكلم كلام منمق ومتزوق، ومش شاطرة في اختيار الكلمات، ومش بعرف أقول كلام من قلبي بجد قدام الكاميرا وقدام الناس، علشان كده أخدت وقت شوية أكتب البوست ده».
وتابعت خلال المنشور:« لما سمعت كلمة شاكر وشفت منى وسمعتها في التكريم دموعي نزلت غصب عني، بإحساسي بيها وبكل كلمة حستها وقالتها، وقد إيه تعبت في حياتها على كل المستويات، واشتغلت على موهبتها وعلى نفسها وعلى بيتها وولادها وحياتها، والخوف على كل ده واللي طول الوقت ملازمها إنها تنجح كانسانة وأم وزوجة وفنانة وصديقة».
وأضافت «وطبعا ولأني ست في نفس المجتمع ده حاسة بالصراع اللي بيدور في نفس كل ست عايشة في مجتمع طول الوقت بيصدر أحكام وهو قاعد على الكرسي ماسك الموبيل وبيحكم بالمظاهر وبيبقى عايز يصدق الوحش قبل الحلو، وعلشان تقدر تعيش وتنجح وتثبت نفسها وتبقى متوازنة في الحياة بكل الخوف والحرب اللي طول الوقت احنا كستات عايشين فيه، ده شيء صعب جداً حد يوصله ومحتاج مجهود جبار».
واختتمت رسالتها قائلة: «علشان كده منى زكي بالنسبة لي مش بس زميلة موهوبة وناجحة ومحاربة، هي مثال وقدوة لكل ست، نادر إنها تعرف تحقق المعادلة الصعبة دي. بحبك يا منى وبحترمك وبقدرك إنسانياً وفنياً جداً، وربنا ينجحك كمان وكمان ويحفظك حبيبتي ويفرحك بولادك وحوزك ونجاحك، وحقيقي فخورة إني زميلتك«.
جدير بالذكر أن الفنانة رانيا يوسف والفنانة منى زكي قد تعاونا مسبقا خلال أحداث مسلسل أفراح القبة والذي تم عرضه في موسم دراما رمضان 2016 والذي حقق نجاحا كبيرا وقت عرضه.
شارك في مسلسل أفراح القبة كل من: منى زكي، إياد نصار، محمد الشرنوبي، رانيا يوسف، صبا مبارك، جمال سليمان، صابرين، تأليف نجيب محفوظ، إخراج محمد يس.
